برامج
شاهد آخر حلقاتنا اونلاين
تامر حسني وعائلته
بعد أيام من تدهور الحالة الصحية لنجل الفنان تامر حسني ومروره بوعكة صحية أسفرت عن إجرائه عمليتين جراحيتين خلال الأيام الماضية.
حرَص حسني على طمأنة جمهوره وأصدقائه على حالة نجله آدم الصحية، وكتب تامر حسني خلال منشور مطوّل على حسابه بموقعي “إنستغرام” و”فيسبوك”: “أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني، اللي جاتلي منكم هنا وعلى تليفوني وتليفونات كلّ المحيطين بيا. هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس، و بقولكم كده عشان تبقوا حريصين مع نفسكم أكتر ولولادكم”.
وأضاف حسني: “مش كلّ سخونية تقولوا ده شوية برد وخلاص. لا روحوا اكشفوا كويس واعملوا سونار على البطن والزايدة مرة و2 عشان برضو ساعات مش بيبان ولازم الدكتور يضغط بطريقة معيّنة، تقريباً أقوى شوية عشان يعرف، لإني سمعت كتير اليومين دول إن الزايدة خادعة، اطمنوا كذا مرة قبل لحظة انفجارها، عشان بجد مشاكل بتحصل بعدها كبيرة ومُحزنة أوي”.
وأشار تامر حسني: “حبيبي آدم عمل عمليتين صعبين أوي عليه، وبدعواتكم مستنيين النتايج تكون خير يارب ويعدي مرحلة الخطر. يارب، بحق كن فيكون، اشفِه وعافِه، هو وكل ولادنا، بس هو راجل وهيتحمل، وإن شاء الله ربنا يكرمه ويعافيه ويحفظه هو و إخواته ويحفظ كلّ ولادكم يارب”.
وأكّد على شكره وامتنانه لكلّ دعوات الأصدقاء والجمهور؛ قائلاً: “أحب أقول تاني شكراً من كلّ قلبي على دعواتكم، أنا شايف قلب كلّ حد فيكم وهو بيدعي بصدق، متشكر أوي يا جماعة، شكراً لكل اللي اهتم وسأل عن ابني ودعا له هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه. وأنا برضو بدعيلكم وبقول، لكم مثلها وأضعاف أضعافها، وربنا يحفظكم ويحفظ أولادكم قادر يا كريم”.
طباعة المقال
