نيللي كريم: أنا شخصية مزاجية جداً

حلت الفنانة نيللي كريم ضيفة في مهرجان العلمين الجديدة، وتحدثت خلال اللقاء عن تفاصيل عملها مع الفنان كريم عبد العزيز، في مسرحية “سندباد” التي يتم عرضها حاليًا ضمن فعاليات المهرجان، بجانب الكشف عن أمنيتها في تقديم عمل استعراضي.

وجاءت أبرز تصريحات الفنانة نيللي كريم، أنا مش مدمنة سوشيال ميديا، ولا بحب التكنولوجيا، أنا شخص بتاع جوابات وبحب الحاجات القديمة، وتابعت عندنا مواهب كتير حلوة على مستوى الوطن العربي، اللي كان ناقصنا الإنتاج.

أنا شخصية مزاجية جدًا وساعات ببقى مش عايزة اشتغل ومحتاجة راحة، ويمكن بقالي كتير معملتش أفلام رومانسية لأنها عميقة.

وبخصوص مواقع التواصل أكدت انه: لما بفتح السوشيال ميديا بحس أننا محتاجين نقدم حاجات مافيهاش مشاكل ولا عنف.

وعن مسرحية السندباد أشارت، “عملنا 20 عرضاً للسندباد في السعودية، ولما جينا مصر التذاكر خلصت ومحجوزة كل الأيام، ومن هنا حسيت إن المسرحية نجحت على مستوى الوطن العربي.”